| رقم الريس الحقوووووووه | |
|
+3shady nino2010 حمادة المصرى 7 مشترك |
كاتب الموضوع | رسالة |
---|
حمادة المصرى Moderators
عدد المساهمات : 183 تاريخ التسجيل : 22/09/2009
| موضوع: رقم الريس الحقوووووووه الجمعة سبتمبر 25, 2009 5:18 am | |
| بســم الله الـرحمــن الرحيــم
ما إن أعلن الرئيس العربي عن تليفونه حتي أمسك جميع المواطنين بتليفوناتهم ..!!
فرحة كبيرة ... إنتابت الجميع ....
كان أمل الجميع ..شرف مكالمة الرئيس ....وعرض مشكلته عليه ... ؟
حتي الأطفال ... أحبوا أن يكلموا ..عمو الريس .....
وطلبوا منه طلبات غريبة جداً .... عيب أقولها لكم ...!!!!
رقم محمول ... الرئيس ..!!؟
أشارت مجموعة من خبراء العلاقات العامة علي أحد الرؤساء العرب أن يقوم بنشر رقم تليفونه المحمول في جميع وسائل الإعلام لتحسين صورة الرئيس وزيادة شعبيته والتي أظهرت إستطلاعات الرأي أنها في تراجع مستمر ....
وافق الرئيس علي أمل أن يحدث التواصل المطلوب بينه وبين أفراد الشعب ويتعرف بنفسه علي مشاكلهم وسبب عدم رضائهم عنه ....رغم مخاوفه الشديدة من كثرة التليفونات وإمكانية تعرضه لمكالمات غير لائقة من مغرضين ومندسين بين صفوف هذا الشعب المدهش المطاوع المسالم المهاود ...
وبمجرد أن وافق الرئيس تم عمل حملة إعلانية ضخمة وغير مسبوقة في طول البلاد وعرضها للإعلان عن الرقم ... وتم كتابة الرقم علي لوحات مضيئة عملاقة أعلي العمارات والمباني الحكومية وقد صيغت الدعاية بعبارات جذابة وشيقة ...منها :
((إتصل برقم الرئيس ..وإنت وأهلك هاتهيص .... ))
((إتصل بالرئيس ... يكون لك خير ونيس ....))
ولم تنس الدعاية المرأة في هذه الحملة فكان منها ما يقول :
(( إتصلي بالرئيس .... وبكره يجيبلك العريس .... ))
وكان للأطفال أمل الغد أيضاً نصيب فكتبت لهم إعلانات تقول :
(( كلموا عمو الريس .... قبل ما يموت ويفيص ))
هذا خلاف الإعلانات التليفزيونية والكليبات المثيرة التي رصد لها ملايين الجنيهات حتي تخرج الحملة بصورة مشرفة ووطنية ....
وتم الإتـفاق أن يسمع المتصل أغنية بدل سماع الجرس عن طريق خدمات (( الكول تون )) قبل أن يرد عليه الرئيس أغنية :
آآآلو الريس فين ... الريس هنا ...هنا هو ... أقولوا مين بيكلموا ...
وذلك لأن هذه الأغنية سهلة وتوحي أن الرئيس قريب ومتواصل مع شعبه ...
وكان الخلاف حول المكالمة هل تكون مجانية أم لا ..وتم حسم الموضوع بأن تكون هناك رسوم لزيادة الدخل وتنمية الموارد ودفع عجلة الإنتاج وعمل ودعم مشاريع الصرف الصحي والمياة وعمل نهضة تنموية مستقبلية ...
وأخيرا جاءت ساعة الصفر .... وبدأت الخدمة ... وتلقي الرئيس عدة مكالمات :
المكالمة الأولي :
- ألو ....
- أيوا ...
- إنت الريس ...
- أيوا يا حبيبي ... إيه مشكلتك ....
- أنا ياريس دخلت قسم شرطة أعمل محضر قام الظباط والمخبرين ضربوني علي قفايا وجابوا ساعة رقمية وقعدوا يشوف من حيضربني أكتر علي قفايا في الدقيقة وما خلصوش إلا لما ظابط المباحث عمل رقم قياسي وضربني 80 قفا في الدقيقة لغاية ما قفايا ورم ونظري ضعف ... يرضيك كده ياريس وأنا ولا مجرم ولا حاجة أنا رايح أشتكي وأعمل محضر في الجيران ...
- بص يا مواطن ... إحنا كلنا في خدمة الوطن.. والشعب في خدمة الشرطة .. لما يكون ظابط بيحميك ويحمي أولادك إيده بردانة شوية وعايز يدفيها ويسخنها في قفاك ده يزعلك ... لازم تضحي شوية علشان الوطن ...!!
- شكراً ياريس ..ربنا يخليك لنا ويخليك للوطن ... ؟
المكالمة الثانية :
- ألو
- أيوااا
- الريس معايا شخصياً
- أيوااا ... قول يا مواطن ... إيه مشكلتك ...
- أنا ياريس وغيري ملايين ساكنين في المقابر وتحت الكباري وفي عشش في ال ...
- أسكت ..إتكلم عن نفسك بس يا مواطن بلاش تعميم ... إنت عايز تعمل لي تنظيم علي التليفون؟ فاهم.. ولا أفهمك بطريقتي ...
- فاهم فاهم يا ريس ...
- كمل يا مواطن ...
- نفسي في شقة من إللي بتتوزع علي لاعيبة الكورة والعقود إللي بتتوزع وبنشوف تصاويرها في التلفيزيون...
- واضح يا مواطن إنك مش متعلم ومش فاهم حاجة ... تسكينك في المقابر إنت وغيرك ده له حكمة عظيمة ..
إنت عارف إن الدين بيأمرنا بزيارتها للموعظة والإعتبار من وقت للتاني عشان نعرف أنها دنيا فانية ...
وإنت محظوظ كل يوم وكل ساعة بتتعظ ... ده إنت تحمد ربنا إننا لم نأخذ منك ضريبة إتعاظ .... !!
- طب ما تيجي ياريس تتعظ عندنا شوية ...
- إخرس ... يا ..(....)
دببببب ...
وتم غلق الخط ...
المكالمة الثالثة :
- ألو ....
- أيوااااااا
- الريس حبيبنا معانا ....
- أيوخ أيوه كده ....إيه مشكلتك يا حبيبي ...؟؟
- أنا ياريس شاب عندي 29 سنه ومتخرج بقالي 9 سنين ومش لاقي شغل ..ولسة بآخد مصروفي من والدي وقاعد علي القهوة طول اليوم ... نفسي أشتغل ياريس ...
- أنت غريب قوي يا مواطن ... مش تحمد ربنا إننا مريحينك ..عايز تروح للشقي برجليك ... وبعدين مالها قعدة القهوة ... إتعلم منها حاجة تفيدك ...ممكن تبقي بطل شطرنج زي كسباروف وساعتها تعرف إن جلوسك علي القهوة كان مصلحة ...
- ياريس عايز أكون نفسي ...
- ما تكونها يا حبيبي حد حايشك ...؟!!
- أكونها إزاي من غير شغل ..؟؟
- إيه يا مواطن أنا ماسك أعصابي ... إنت عايز البلد تكون ملايين من الناس.. إحنا فاضيلنك ولا إيه..؟؟ إحنا عندنا عيال بنكونها برضه .... خلي أبوك يكونك يا مواطن ...
دبببب ...وتم غلق الخط ....
المكالمة الرابعة ...
- ألو ..صباح الخير ياريسنا يا جميل ...
- ألوووووووووو...صباح الجمال ... أيوه يا شابة .. إيه مشكلتك وأنا أحلها لكي في فمتوثانية ...
- أنا يا ريس وصلت لسن 35 ومش لاقية عريس ... نفسي أتجوز زي البنات كلها ويبقي عندي بيت وأسمع كلمة ماما ....
- هههههه ... إنت تحمدي ربنا ...جواز إيه وقرف إيه ...خلفة وطبيخ وواحد متخلف ينكد عليكي ومسئولية ... خليكي كده ....
- ياريس ... نفسي أحب وأتحب ....
- يا مواطنة ... حب الوطن كفاية عليكي ....
- يعني أتجوز الوطن وأجيب منه عيال ..!!!
- يوووه ... إنت مش عجبك كلامي طيب ...
دبببب .. وإنتهت المكالمة ....
وأخيراً ... حد عايز الرقم يطلب ويجرب ..... يتصل بي أويكتب لي...وأنا أعطيه له فوراً .... بشرط يقول حيقول للريس بتاعه إيه لو كلمه في التليفون ...!!! ؟؟؟
| |
|
| |
nino2010 شاب متألق
عدد المساهمات : 123 تاريخ التسجيل : 28/08/2009 العمر : 31
| موضوع: رد: رقم الريس الحقوووووووه الجمعة سبتمبر 25, 2009 4:43 pm | |
| الله يخرب بيتك بيقلولى انه مودى البلد فى داهية (اصلى ماليش فى السياسة)و عامل مشكل مبينا و مبين الدول الثانية اكثر مكالمة عجبتنى بتاعت اللى عايش عند المقابر تسلم ايديك على الموضوع | |
|
| |
shady شاب مبدع
عدد المساهمات : 225 تاريخ التسجيل : 23/08/2009
| موضوع: رد: رقم الريس الحقوووووووه الجمعة سبتمبر 25, 2009 4:54 pm | |
| كله واخد حقه الدليل
وما خلصوش إلا لما ظابط المباحث عمل رقم قياسي وضربني 80 قفا في الدقيقة لغاية ما قفايا ورم ونظري ضعف | |
|
| |
حمادة المصرى Moderators
عدد المساهمات : 183 تاريخ التسجيل : 22/09/2009
| موضوع: رد: رقم الريس الحقوووووووه السبت سبتمبر 26, 2009 8:47 am | |
| | |
|
| |
حمادة المصرى Moderators
عدد المساهمات : 183 تاريخ التسجيل : 22/09/2009
| موضوع: رد: رقم الريس الحقوووووووه السبت سبتمبر 26, 2009 8:48 am | |
| | |
|
| |
Alaa Aly Khalil الإداره
عدد المساهمات : 134 تاريخ التسجيل : 10/03/2009 العمر : 30 الموقع : https://shabab-m-el3amar.yoo7.com
| موضوع: رد: رقم الريس الحقوووووووه السبت سبتمبر 26, 2009 10:02 am | |
| موضوع فعلا رائع ومثير للسخريه واثارة الغضب فى نفس الوقت ... بس اذا كان على رقم الريس بعد المكالمات دى لا شكرا مش عاوزه ... وتسلم ايدك على الموضوع | |
|
| |
حمادة المصرى Moderators
عدد المساهمات : 183 تاريخ التسجيل : 22/09/2009
| موضوع: رد: رقم الريس الحقوووووووه الأحد سبتمبر 27, 2009 10:40 am | |
| شكرا لمرورك الغالى يا علاء | |
|
| |
kareem @naruto شاب مشارك
عدد المساهمات : 43 تاريخ التسجيل : 26/08/2009 العمر : 29
| موضوع: رد: رقم الريس الحقوووووووه الجمعة أكتوبر 16, 2009 4:17 am | |
| واضح المنتدى ده مش هيطول وهيتقفل هههههه العنوان فنان سلام | |
|
| |
محمد نور الدين شاب فعال
عدد المساهمات : 65 تاريخ التسجيل : 21/08/2009
| موضوع: رد: رقم الريس الحقوووووووه الأحد أكتوبر 18, 2009 12:58 pm | |
| حرام عليك ياحماده احنا كان نفسنا المندى يبقى له شان فى المستقبل بس خلاص راحت عليه بس فى النهايه هو موضوع جميل جد ا تسلم ايدك | |
|
| |
m_aly شاب متألق
عدد المساهمات : 128 تاريخ التسجيل : 11/08/2009 العمر : 27 الموقع : https://shabab-m-el3amar.yoo7.com
| موضوع: رد: رقم الريس الحقوووووووه السبت يوليو 31, 2010 2:52 pm | |
| ان كان دة مكالملت على تليفون الريس كان استقال هههههههههههههههه | |
|
| |
| رقم الريس الحقوووووووه | |
|